మరకత శ్రీ లక్ష్మీ గణపతి ప్రతిష్టామహోత్సవము

“ప్రపంచంలో అరుదైన, అత్యంత విశిష్ఠమైన, మరకతము (పచ్చ-ఎమరాల్డ్) తో మలచిన మరకత శ్రీ లక్ష్మీ గణపతి స్వామి మరియు సవర్ణ, సపత్ని, సవాహనపూర్వక నవగ్రహదేవాలయ దర్శనం సకలపాప వినాశనం- హామంగళప్రదం”

“భగవతి శ్రీలలితాపరమేశ్వరీదేవి” స్వప్న సాక్షాత్కార ఆదేశానుసారము, దేవి ఉపాసకులు, లలాటరేఖా శాస్త్ర నిపుణులు

బ్ర: శ్రీ: డా: మోత్కూరు సత్యనారాయణ శాస్త్రి గారిచే నిర్మించబడిన ఆలయములో పుష్పగిరి పీఠాధిపతి శ్రీశ్రీశ్రీ అభినవోద్దండ విద్యాశంకర భారతీస్వామి వారి కరకమలములచే మరకత శ్రీ లక్ష్మీ గణపతి మరియు సవర్ణ, సపత్ని, సవాహనపూర్వక నవగ్రహ విగ్రహములను చైత్ర బ: పంచమి 27-4-2016 వ సం:లో అంగరంగ వైభవంగా,  నేత్రపర్వముగా ప్రతిష్టించబడి, భారతదేశంలో మహామహిమాన్విత గణపతి క్షేత్రములలో ఒకటిగా విరాజిల్లుచున్నది.

పూజా కార్యక్రమములు – వివరములు

మరకత శ్రీ లక్ష్మీ గణపతి స్వామి వారికి 32 ఔషదీకృత ద్రవ్యాదులచే విశేష అభిషేకము

మానవుని బాధించే అంతఃశతృవులైన కామ, క్రోధ, లోభ, మోహ, మద, మాత్సర్యాలు అనే అరిషడ్వర్గాల నుండి రక్షించి భయాన్ని పోగొట్టి, ఆరోగ్యం, ఆనందాన్ని ఇచ్చి, అభీష్ఠసిద్ధిని కలిగించే మరకత శ్రీలక్ష్మీగణపతికి 32 ఔషధీకృత ద్రవ్యాదులతో జరిగే అభిషేక దర్శనం శ్రీకరం, శుభకరం

అభిషేక ద్రవ్యాలు

మరకత శ్రీలక్ష్మీ గణపతి స్వామి అభిషేక దర్శనం, తీర్థ సేవనం – సకల కార్య జయం – మహా మంగళ ప్రదం

పూజా సమయం : ఉ: 5:00 గం:లకు, బుధ, ఆదివారము మరియు సంకట హరచతుర్థి రోజున.

అఖిలాండ కోటి బ్రహ్మాండ నాయక మరకత శ్రీ లక్ష్మీగణపతి సప్తమ వార్షిక బ్రహ్మోత్సవాలు

ఆదివారం 9-4-2023 నుండి మంగళవారం 11-04-2023

ఆది ప్రణవ స్వరూపుడై, అఖిలాండ కోటి బ్రహ్మాండ నాయకుడై, ఈ జగమంతా వ్యాపించిన మరకత శ్రీ లక్ష్మీ గణపతి స్వామి వారికి స్వస్తిశ్రీ చాంద్రమానేన శోభకృత నామ సం: చైత్ర బ|| తదియ 9-4-2023 ఆదివారం నుండి పంచమి 11-4-2023 మంగళవారం వరకు అంగరంగ వైభవంగా, నేత్ర పర్వముగా ఆధ్యాత్మిక శోభతో భక్తి పూర్వకముగా జరిగే సప్తమ వార్షిక బ్రహ్మోత్సవాలకు విచ్చేయు అశేష భక్తజన వాహినికి ఇదే మా ఆహ్వానము.

బలం, జ్ఞానం, ఐశ్వర్యం, ఆనందాన్ని ఇచ్చే లక్ష్మీగణపతి స్వామిని, ధనం, విద్య, వివాహ, ఆరోగ్య, వ్యాపార, యశో, శ్రేయ కారకుడైన బుధ గ్రహ రత్నమై ప్రపంచంలో అరుదైన, అద్భుతమైన మరకతమణి (పచ్చ-ఎంరాల్డ్) శిలతో మలచిన స్వామి దర్శనంతో నేత్ర, జీర్ణ, నరాల, వాత, కఫ, అశాంతి, ఒత్తిడి, కోర్టు, ఋణ, అకాల వైర దోషాలు తొలుగుతాయి.

ఆలయంలోని సవర్ణ, సపత్ని, సవాహన పూర్వక నవగ్రహాలకు ప్రదక్షిణలు చేసి మరకత శ్రీ లక్ష్మీ గణపతి స్వామివారి రధోత్సవ, బ్రహ్మోత్సవ, హోమ కార్యక్రమాలలో పాల్గొనే భక్తులకు మరియు ఆశ్లేషా, జ్యేష్ఠ, రేవతి నక్షత్రాల వారు, వృషభ, మిధున, కన్యా, వృశ్చిక, మీనరాశుల వారు 5,7,14,16,23,25 తేదీలలో జన్మించిన వారందరూ స్వామివారి బ్రహ్మోత్సవ సేవలో పాల్గొనిన నవగ్రహ దోషాలు, కలి దోషాలు నివారించబడి మాయా మోహాలు తొలిగి జ్ఞాన బీజాలు అంకురించి అభీష్ట సిద్ధి, ధనదాన్య సమృద్ధి ఆటంకాలు తొలిగి సకల శ్రేయస్సులు కలుగుతాయి.

గమనిక: బ్రహ్మోత్సవ సమయంలో స్వయంగా హోమ కార్యక్రమాలలో పాల్గొనిన భక్తులకు అక్షర లక్షలు

జపం చేయించబడిన మహిమాన్విత మరకత గణపతి లాకెట్ మరియు లక్ష్మీ గణపతి యంత్ర సహిత వెండి డాలర్ ప్రసాదంగా ఇవ్వబడును. సంప్రదించు ఫోన్ నెం : 99490 60885, 94409 87638, 95503 17277

బ్రహ్మోత్సవ కార్యక్రమ వివరాలు

బ్రహ్మోత్సవ హోమాలలో పాల్గొనిన భక్తులకు అక్షరలక్షల జపం జరిపించిన మరకత గణపతి లాకెట్ మరియు లక్ష్మీ గణపతి యంత్ర సహిత వెండి డాలర్ మహా ప్రసాదంగా ఇవ్వబడును.

 సంప్రదించు ఫోన్ నెం.: 99490 60885, 94409 87638, 95503 17277

మరకత శ్రీలక్ష్మీగణపతికి మల్లెపూలు, మోదకాలతో హోమం

త్రిమూర్తులను సృష్టించిన మూలపరబ్రహ్మ స్వరూపమై, త్రిగుణాధిపతియైన మరకత శ్రీ లక్ష్మీ గణపతి అనుగ్రహం మరియు గ్రహశాంతి, సకల శుభాల కొరకు అగ్నిహోత్రంలో మూలికలు, ఆవు నెయ్యితో, హోమ ద్రవ్యాలైన అటుకులు,

వరిపేలాలతొ, గణపతికి ప్రీతికరమైన మల్లెపువ్వులను తేనెలో ముంచి, మోదకాలతో గణపత్యదర్వణ శీర్షిపనిషత్, లక్ష్మీ గణపతి మూలమంత్ర హవనము మరియు పాయసాన్నం, తామర, కలువ పువ్వులతో సంపుటిత శ్రీసూక్త పూర్వక మరకత శ్రీ మహాలక్ష్మీ దేవికి హోమం నిర్వహించబడును.

మహా పూర్ణాహుతి

పూజా సమయము

ఉ: 7:30 ని:లకు – బుధ, ఆదివారము మరియు సంకట హరచతుర్థి

నవగ్రహ అభిషేకాలు, శనికి తైలాభిషేకం, నవగ్రహ హోమాలు

“పూర్వ జన్మకృతం పాపం వ్యాధిరూపేణ పీడ్యతే

తచ్చాంతిః ఔషదైః దానైః జప హోమ క్రియాడిభిః

అని శారీరక మానసిక లోపాలకు శాంతిగా, ఔషధ సేవనం, దానాలు, జపాలు, హోమాలు చేయడం భారతీయ సంప్రదాయంగా ఉంది. మానవ జీవితంపై నవగ్రహల దశ, అంతర్దశ స్థితుల ఆధారంగా చూపే దుష్ప్రభావాలను దూరం చేసుకోవడానికి మరకత శ్రీ లక్ష్మీ గణపతి దేవాలయంలో కల సువర్ణ, సపత్ని, సవాహన పూర్వక నవగ్రహాలకు ప్రతి శనివారం అభిషేకం, శనికి తైలాభిషేకం, దానాలు మరియు అర్క, మోదుగ, చండ్ర, రావి, మేడి, జమ్మి, మామిడి, గరిక, మర్రి, ధర్భ, ఉత్తరేణి సమిధులలో నవగ్రహ హోమాలు యథా శాస్త్రీయంగా గురువుగారి ఆధ్వర్యంలో  నిర్వహించబడును.

గ్రహ సంచారాన్ని బట్టి గ్రహాధిపత్యకాలంలో సవర్ణ, సపత్ని, సవాహన పూర్వక నవగ్రహాలను అర్చించే జాతకులకు అన్ని ఈతి బాధలు తొలుగుతాయి.

సవర్ణ, సపత్ని, సవాహన పూర్వక నవగ్రహాలు

నిత్య అన్నప్రసాద వితరణ కార్యక్రమం

జంటనగరాల్లో నిత్యఅన్న ప్రసాద వితరణ కావించబడుచున్న ప్రథమ దేవాలయం

“అన్నాశ్రితాని భూతాని అన్నం ప్రాణమితి శృతిః

తప్మాదన్నం ప్రదాతద్యం అన్నం పరమం హవిః

అన్నదానం సమం దానం త్రిలోకేషు నవిద్యతే”

అన్నం పర బ్రహ్మ స్వరూపమని వేదాలు ఉపనిషత్తులు, ధర్మశాస్త్రాలు మనకు బోధిస్తున్నాయి. అన్నం సర్వజీవాధారం అటువంటి అన్నాన్ని సకల శక్తులను, సర్వవ్యాపకత్వాన్ని కల్గి ఆదిపురుషుడైనట్టి, సస్యకారకుడైన మరకత శ్రీ క్ష్మీగణపతి దేవాలయానికి అన్నార్తులై వచ్చిన వారందరిని శివస్వరూపులుగా భావించి, వారి ఆకలిని తీర్చడానికి అన్నప్రసాద విరాళాలు ఇచ్చేవారంతా సాక్షాత్తు అన్నపూర్ణాదేవి స్వరూపాలే అగుదురని భావించి “మరకత శ్రీ లక్ష్మీ గణపతి అన్నప్రసాదం ట్రస్టు” “మరకత శ్రీ లక్ష్మీ గణపతి అన్నప్రసాదం ట్రస్టు” ద్వారా ప్రతిరోజు దేవాలయములో, సికింద్రాబాద్ రైల్వే స్టేషన్ దగ్గర కల చిలకలగూడ చౌరస్తాలో మరియు బంజారాహిల్స్ లోని బసవతారం క్యాన్సర్ హాస్పిటల్ దగ్గర (సుమారు 6000 మందికి) భక్తులకు అన్నప్రసాద వితరణ కావించబడుచున్నది.

“ఆర్థిక, నష్ట ద్రవ్య, గృహ, వాస్తు, శల్య, అనారోగ్య నర దృష్టి, నవగ్రహ దోషాలతో సతమతమయ్యే వారు మరకత శ్రీలక్ష్మీ గణపతి స్వామి వారి కొలువులో అన్నదానం చేసిన భక్తులకు ఏడేడు తరాలు ధన, ధాన్య, పుత్ర, పౌత్రాభివృద్ధిని పొందుటకు స్వామి వారి దర్బారు సేవలో అన్నప్రసాద దాతలకు వేద ఆశీర్వచనం ఇవ్వబడును.

నిత్య అన్నప్రసాద విరాళముల వివరములు

 శాశ్వత అన్నదానం

శాశ్వత అన్నదాన సభ్యుని పేరు మీద ప్రతిరోజు 11 మందికి చొప్పున 25 సం:ల పాటు అన్నదానం జరుగును. మొదటి సం:లో వారి పేరు మీద ఒక రోజున లక్ష్మీ గణపతి, కుబేర, ఆయుష్య హోమాలు నిర్వహించబడును. వారికి స్వామి వారి శేషవస్త్రాలు, అక్షర లక్షల జపం చేసిన మహిమాన్యిత మరకత గణపతి లాకెట్ ప్రసాదంగా ఇవ్వబడును.

దశవర్ష అన్నదానం

దశవర్ష అన్నదాన సభ్యుడు సం:లో కోరుకున్న ఏదైన ఒక రోజున వారి పేరు మీద 50 మందికి అన్నదానం 10 సం:ల పాటు జరుగును. వీరికి స్వామివారి శేషవస్త్రాలు, లడ్డూ, వడ ప్రసాదముగా ఇవ్వబడును.

విశేష అన్నదానం

ఒక్కరోజు పూర్తి (500 మందికి పైగా) అన్నదానానికి విరాళం ఇచ్చిన వారికి ఆరోజు అలయములో వారి పేరున ప్రత్యేక పూజ, స్వామి వారి శేషవస్త్రం, లడ్డూ, వడ ప్రసాదముగా ఇవ్వబడును.

అన్నదానం

516 రూ:లు విరాళమిచ్చిన వారి పేరు మీద మరుసటి రోజున 11 మందికి అన్నదానం చేయబడును.

విరాళాలు, ధన, వస్తు రూపేణ ఎంతైనా ఇవ్వవచ్చును. శాశ్వత విరాళాలు ఇచ్చిన భక్తుల పేర్లు అన్నప్రసాద వితరణ శాలలో ప్రదర్శించబడును. సంప్రదించు ఫోన్ నెం.: 99490 60885, 94409 87638, 95503 17277

సువర్ణ పుష్పార్చన సేవ

క్షీరసాగర మథనం జరిగినపుడు ఉద్భవించిన సముద్రరాజ తనయ శ్రీ మహాలక్ష్మి దేవిలోని ఒక అంశను విష్ణువాంశ సంభూతుడైన గణపతికి ఇవ్వడంతో లక్ష్మీ గణపతిగా అవతరించి, ఐశ్వర్య ప్రధాతయై మరకత శ్రీలక్ష్మీగణపతిగా ధనదాన్య సమృద్ధిని కలుగజేస్తున్నాడు.

 “హిరణ్య వర్ణాం హరిణీం సువర్ణ రజతస్రామ్” అంటూ శ్రీ సూక్తములో తెలుపబడిన, శోభనప్రదమైన, మనోహరమైన శ్రీమన్మహాలక్ష్మిని వామాంకముపై కూర్చుండబెట్టుకుని మరకత శ్రీలక్ష్మీ గణపతిని ‘స్వర్ణం పవిత్రమమలం స్వర్ణం పాప ప్రణాశనమ్’ అంటూ ఐశ్వర్యములో పవిత్రమైన, శ్రేష్ఠమైన, సువర్ణ పుష్పములతో 21 శుక్రవారములు పూజించుట వలన పూర్వజన్మ పాపకర్మము నశించి, స్థిరలక్ష్మీ కటాక్షం, అప్లైశ్వర్య ప్రాప్తి, మనఃశాంతి కలుగును.

పూజ జరుగు సమయము : ప్రతి శుక్రవారం గురుహోర సమయం ఉ: 10:00 గంటలకు ప్రారంభం.

మరకత శ్రీలక్ష్మీగణపతి – ఒడిగంటి సేవ

“సర్వమంగళ మాంగళ్యే శివే సర్వార్థ సాధికే

శరణ్యే త్ర్యంబకే దేవి నారాయణి నమోస్తుతే:”

ఓంకారరూపుడై, ఆది అంతములేని ఆనందమూర్తియై అప్లైశ్వర్య ప్రదాయకుడైన మరకత శ్రీ లక్ష్మీ గణపతికి, సర్వమంగళ స్వరూపిణియై, ధన, దాన్య, విద్యా, ఆరోగ్య, ఐశ్వర్య, జ్ఞాన, సంతాన, విజయ లక్ష్ములైన అష్టవిధ లక్ష్మీ దేవతల అనుగ్రహం అందించే మహాలక్ష్మిని భక్తితో పూజించి, సౌభాగ్య మంగళ శ్రీ ద్రవ్యములగు – పసుపు, కుంకుమ, గాజులు, తాంబూలం, చీర, ధోవతి, ఒడిబియ్యం సమర్పించి ఇంటిల్లిపాదికి సమస్త శుభాలు కలిగించమని, సర్వసౌభాగ్యాలు ఒసగమని ప్రార్థించడమే మరకత శ్రీ లక్ష్మీ గణపతి – ఒడిగంటి సేవ.

 పూజా సమయము : శుక్రవారం ఉ: 11:30 ని: లకు

మరకత శ్రీ లక్ష్మీ గణపతి – వస్త్రాలంకరణ సేవ

బుధ, ఆదివారము మరియు సంకటహర చతుర్థి రోజున తెల్లవారుఝామున ఉ: 4.30 ని: లకు వస్త్రాలంకరణ సేవలో పాల్గొను భక్తులు పట్టువస్త్రములు, ఒడిగంటి ద్రవ్యములతో ఆలయం చుట్టు ప్రదక్షిణచేసి స్వామివారిని దర్శించి, గోత్రనామాలతో పూజచేసి, పట్టువస్త్రములు, ఒడిగంటి ద్రవ్యములను (పసుపు, కుంకుమ, గంధం, గాజులు, ఒడిబియ్యం) వ్వాపార, ఆయురారోగ్య, ఐశ్వర్యాభివృద్ధికై, కీర్తి ప్రతిష్ఠలు, సకల శుభాలు కలగాలని స్వామివారికి సమర్పిస్తారు. వేద ఆశీర్వచనము, అభిషేక, హోమాల అనంతరం విశిష్ఠ ప్రసాద వితరణ జరుగును.

 పూజా సమయం: ఉ: 4:30 గం: లకు

మరకత శ్రీ లక్ష్మీ గణపతి నవరాత్రి మహోత్సవములు

సోమవారం 18-9-2023 నుండి గురువారం 28-9-2023 వరకు ముద్గల పురాణంలో కణ్వమహర్షి, భరతుడికి భాద్రపద శు: చవితి గణపతి వ్రత మహిమ, పూజానియమాల గురించి, మట్టిగణపతి ఆవశ్యకత, ఏకవింశతి పత్రార్చన గురించి చెప్పినట్లు స్పష్టముగా ఉన్నది. జడపదార్దమైన భూమికి చైతన్యం కల నీళ్ళతో చేరినపుడు భూమి ఆహారపదార్ధాలను, ఔషదులను అందిస్తుంది. అంటే ప్రాణాధార జడశక్తుల కలయికతో సృష్టి సాగుతుందనడానికి సంకేతంగా భూతత్వానికి అధిష్ఠాన దేవత మరియు మూలధార చక్రానికి అధిదేవతయైన గణపతిని పూజిస్తారు. భాద్రపద శు: చవితి సోమవారం 18-9-2023 నుండి చతుర్దశి గురువారం 28-9-2023 వరకు 11 రోజుల పాటు జరిగే గణపతి నవరాత్రి మహోత్సవాలలో మరకత శ్రీలక్ష్మీ గణపతి స్వామివారు వరసిద్ధి, మహా, వికట, లంబోధర, గజానన, మహోధర, ఏకదంత, వక్రతుండ, విఘ్నరాజ, దూమ్రవర్ణ, మరకత శ్రీలక్ష్మీ గణపతి స్వామిగా దర్శనమిస్తారు. అభిషేక, హోమాదుల తరువాత ఏకవింశతి దివ్యపత్రార్చన, మహానీరాజనాలు ఘనంగా జరుగుతాయి.

ఏకవింశతి దివ్యపత్రములతో గణపతి సహస్రనామార్చన

గమనిక: 11 రోజులు వరుసగా అభిషేక, హవన, ఏకవింశతి పత్రార్చనలో పాల్గొనిన వారికి మరకత గణపతి లాకెట్ మరియు లక్ష్మీ గణపతి యంత్ర సహిత వెండి డాలర్ మహాప్రసాదంగా ఇవ్వబడును.

సంప్రదించు ఫోన్ నెం : 99490 60885, 94409 87638, 95503 17277

దేవి శరన్నవరాత్రులు

ఆదివారం 15-10-2023 నుండి మంగళవారం 23-10-2023 వరకు

ఒక్కొక్క మన్వంతరములో, కల్పములో, యుగములో దుష్టశక్తులు విజృంభించిన సమయములో, ఆదిప్రణవరూపుడు, పరబ్రహ్మ స్వరూపమైన మహాగణపతి యొక్క రూపమే శ్రీదేవిగా, ఆమెయే మహాకాళి, మహాలక్ష్మి, మహాసరస్వతిగా

అవతరించి మధుకైటభులను, మహిషాసురున్ని, శుంభనిశుంభులను, చండముండులను, దుర్గమాసురున్ని, డోలాసురున్ని సంహరించినట్లు దేవిభాగవతములో శక్తి స్వరూపిణి భగవతి ఆదిపరాశక్తి తన యొక్క

మహామహిమను బహిర్గతపరచి సమస్త లోకాలకు శాంతిని చేకూర్చినదని చెప్పబడింది.

శుద్ధ సత్వస్వరూపిణియై, సర్వసంపదలకు అధిష్ఠాత్రిగా, సర్వసస్యాత్మికగా, భూతకోటికి జీవనోపాయ రూపిణిగా, సర్వమంగళ కారిణియై, ఐశ్వర్యప్రదాయినిగా ఉన్న అష్టలక్ష్ముల సమిష్టి రూపమే శ్రీ మహాలక్ష్మి.

“యాదేవి సర్వభూతేషు లక్ష్మీరూపేణ సంస్థితా |

నమస్తస్యై నమస్త స్యై నమస్త స్యై నమోనమః :

అనగా అన్ని జీవులలో ఉండే లక్ష్మీస్వరూపాన్ని శరన్నవరాత్రులలో ఆదిలక్ష్మీ, ధాన్యలక్ష్మీ, ధైర్యలక్ష్మీ, గజలక్ష్మీ, సంతానలక్ష్మి, విజయలక్ష్మీ, విద్యాలక్ష్మీ, ధనలక్ష్మీ, మరకత శ్రీలక్ష్మీ, రూపాలుగా ఆరాధించడం వల్ల అప్టైశ్వర్య, ఆరోగ్యప్రాప్తి కలుగుతుంది. శతృపీడ తొలగి సర్వత్రా విజయం సిద్ధిస్తుంది.

సత్కర్మలు, శుచీ, శుభ్రత, సదాచారం ఉన్న ఇంట కొలువై ఇహపరాలను అందిస్తూ, ఆనందం, సంతోషం, సుఖం, శాంతి, సౌఖ్యాలను కలుగజేస్తూ సృష్టిలోని సమస్త సంపదలను అనుగ్రహించే తల్లిని ఆశ్వయుజ శుద్ధ పాడ్యమి

ఆదివారం తేది. 15-10-2023 నుండి దశమి మంగళవారం 23-10-2023 వరకు జరిగే దేవి శరన్నవరాత్రులలో ఒక్కొక్క రోజు ఒక్కొక్క అలంకారములో దేదీప్యమానముగా దర్శనమిచ్చే “మరకత శ్రీ మహాలక్ష్మీ దేవిని” దర్శించి పూజించి, నైవేద్యాలను సమర్పించి అమ్మ అనుగ్రహాన్ని పొందుదాం.

కార్తీక మాసోత్సవాలు

“న కార్తీక సమో మాసో నకృతేన సమం యుగమ్

నవేద సదృశం శాస్త్రం న తీర్థం గంగాయ సమః “

శివకేశవులకు ప్రీతికరముగా స్నాన, దాన, జప, దీపారాధన వలన జన్మజన్మల పాపాలను హరించి, అప్లైశ్వర్యాలను సిద్ధింపజేసి అనంతమైన పుణ్యఫలాలను పొంది ఇహంలో సర్వసుఖాలను అనుభవించి, అంత్యాన మోక్ష ప్రాతి కలుగుతుందని పద్మ, స్కాంద పురాణాలు కార్తీకమాస మహత్తును తెలుపుతున్నాయి.

కార్తీక మాస పూజలు – వివరములు